مذا يقول الشاعر
يقول
ـــــــ
كل ما يينا نحط زهابنا
حيلونا من يرين ٍ في يرين
ــــــــــــــــــــــــــــــــــــــــــ
يه يه يه
مذا سنع المقصلفة تيه
ودك تشل بها ولا خلها
غير ترى فيها حكم لعووووووووووون
وعيّوا العراضة منها
غير اما انا
فعايني باعدي ازيّف واعاد احسر
فإلى مني احسرت
فييني باعدي على الحدة تيااااك أخيّل
ام ايلا مني تعبت زيد من المخيّل
فيات العافية
باروح عند عوالي
ولا غب الله عليك
وحي المرسام ذيه بيخرب
ام اغدني مذا بيخربه
ييييه ما بيخربه إلا ذا وده يخرب
ام هو ما ودك تهب لهم رزفة دواء
عسيهم يشلون بها ويبعدون عن الفتنه
ام انه انبح صوتي وانا ارزف
غير ما لجيت ذا يسمعني ولا يشل برزفتي
يه يه يه
يعني العراضة ذوليه كلهم ما فيهم مسدة راي
إلا فيهم مصدة راي
ايش ايش ايش (( تقول مصدة راي ))
ايش .. انا قلت مصدة راي
أقول ( مسدة راي )
ايل عاينك غلطت
يا ريال ما قلته
إلا والله انك تقول ( مصدة راي )
خلاص ابشر اني قلته !!!
ومذا رايك ذلحين
رايي
ان كان ودهم يثبتون المرسام ذيه فييها احلى
ون على غير
فلجاء بقعاء ترتمهم كلهم ما تخلي بهم حدبه
ليس الا المكسى
فلا عاد لي به
ام انت ما تدري مذا بينهم
إلا سمعت ان النواب بينهم شوية مخاصمة
يه يه يه
يا الله لا تفتنا
ام مذا هو عليه
مدري مذا هو عليه
هيّا هو ودك تروح معي ؟
أقول راحوا بك خبت البقر
خلنا واعاد نشوف مذا بيعبا الله في العرب ذوليه
مع تحياتيي اختكم : شدو ~
